sabeletikmundura

Amatasunaren abenturari ekiteko bidean sorturiko bloga. Erabakia hartu genuenetik auskalo noiz artekoa.

Haurdunaldiko ohiko probak (36+4) 2012/06/28

Filed under: Haurdunaldia,Hirugarren hiruhilekoa,Medikuntzakoak — sabeletikmundura @ 3:29 pm

Haurdunaldia ondo badoa eta ohikoa bada, Osakidetzan gaur egun jarraipen hau ematen zaio:

– Hiruhileko bakoitzean odol eta gernu analisi bat.

-Azukrearen proba.

– Hiruhileko bakoitzean ekografia bat.

– Azken asteetan erditze kanalaren inguruan dauden bakterien azterketa bat.

– 12.astetik aurrera, hilabetean behin edo ginekologoa edo emaginarekin tentsioa, pisua, haurraren bihotz taupadak eta batzuetan taktoa.

– Azken asteetan, ginekologoarenganako edo emaginarenganako bisitak astean behin izaten dira.

Beno, gauzak honela, gu ere haurdunaldiaren amaierara heltzen ari garenez, gaur azken odol eta gernu analisia egin dugu eta datorren astean bakterien froga egingo digutela uste dugu eta horrekin batera, asteroko bisitak egiten hasiko garela… hori… datorren astera erditu gabe heltzen bagara behintzat.

Advertisements