sabeletikmundura

Amatasunaren abenturari ekiteko bidean sorturiko bloga. Erabakia hartu genuenetik auskalo noiz artekoa.

Azala… kremak… (5+5) 2011/11/25

Filed under: Haurdunaldia,Lehen hiru hilabeteak — sabeletikmundura @ 10:46 pm

Haurdunaldiaren hasiera-hasieratik (eta aurretik) elikadura, alkohola, tabakoa… zaintzeaz gain, denek, den-denek esango dizute azala zaintzeko, egunero krema emateko…

Eta bai, arrazoi osoa dute, azala ondo zaindu beharra dago, berehala aldatu egiten da eta gainera, orain lan handia du batez ere bular aldean hasieran, sabelean, iztarretan eta ipurdi aldean gero. Egia esan, normalean ez dut krema egunero emateko ohiturarik inoiz izan. Haurdun geratzeko asmoz hasi ginenean hasi nintzen esfortzu hori egin asmoz… baina tira 2-3 egunetik behin gogoratzea soilik lortzen nuen. Haurdun nengoenaren susmoarekin hasi nintzenean (nekea, bularretako izugarrizko mina eta bat-batean 4 taila handiago bihurtzea…) hasi nintzen egunero, oheratu aurretik krema hidratante normal bat ematen, masaje goxo-goxo batekin. Zortez, noizean behin, masajea jaso egiten dut eta gaitzerdi, gozamen bikoitza, erlaxazio totala.

Dena den, krema espezifikoak erabiltzea gomendatzen dute “antiestrias” deitzen direnak baina gainera “indicado especialmente para embarazadas” bada hobe. Jaso dudan lehenengo oparia, eta ilusio berezia egin didana, ahizparena izan da. Izugarri opari ona, espero ez nuena eta oso ondo etorri zaidana. Suavinex markako “antiestrias potenciador de elasticidad” 250ml formatuan + Body mist 100ml (dutxa ondorenerako lozio fresko-freskoa) +Mummy Balm Stick 4 gr (ezpainetakoa, bere usainarekin botalea kentzen duena) dakartzan kaxa polit polit batean.

Egia esan, ez nuen asmorik horrelako krema espezifikorik erosten hasteko, krema normal on batek berdin balio duela pentsatzen nuelako edo. Baina krema hau eta ezpainetakoa… probatuta, mesede handia egin didatela esan behar dut, eta agian hormonen kontua izango da, azala orain desberdin nabaritzea baina ziur kremak… ez didatela kalterik egin. Baina tranpa hortxe dagoela uste dut. Oparitarako formatu polit hori jartzen dute, edozeinek jakin eta berehala hori oparitzeko eta nolabait amagaia “engantxatzeko”. Oso usain goxoa dute, testura perfektua, gorputza primeran uzten dute… ezin gehiago eskatu.  Bai. Gehiago eskatu behar dugu.

Krema horiek, oso garestiak dira. Oso. Krema bakarrik erostera joan eta 400ml-ko formatuak 27 euro balio dituela ikustean zalantza handia sortzen da. Krema hidratante normal batek, 3-5 euro balio ditu formatu beretsuan. Benetan 20 euro horiek justifikatuak dira? Merezi du 2-3 aste iraungo didan kremarengatik horrenbeste ordaintzeak? Zalantza horiek piztu zitzaizkidan eta momentuan ez erostea erabaki nuen. Badut krema “zoragarri” hori egun batzuk gehiagorako… baina baditut kaxoian ere krema hidratante normala, aloe verazkoa… benetan… dirutza horrek horrenbeste merezi du? Egun pare batean gehiago pentsatuko dut… orain… zalantza izugarria da.

Advertisements
 

One Response to “Azala… kremak… (5+5)”

  1. Kremen kontuarekin jarraituz…. emaginak gomendatu zidan aurpegian eta eskuetan, kalera ateratzean beti aurretik eguzkitako krema emateko (ona, babes altukoa eta ahal bada aurpegirakoa) haurdunaldiko maskara (mantxak) ekiditeko… hortaz, beste krema bat gehiago kaxoira…


Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s